genuch Antikierper no Impfung? [Cloturée]

Question

Bonjour,

D´Phase 1 an 2 vun der aktueller Impstrategie ass elo bal duerch.

Déi vulnerabelst Leit(ganz al Leit a Leit mat schlëmmste Gesondheetsproblemer) kruten dann elo wann se dat wollten all schonn hier 2. Impfung.

Ass d´Regierung net der Meenung dass déi genannte Leit, déi souwisou regelmässeg eng Bluddanalyse musse machen, net och sollen op Covid Antikierper getest ginn?

Dommadder kinnt een eraus fannen op genuch Antikierper bebild si ginn fir secher ze goen dass déi vulnérabel Leit och genuch geschützt sinn?

En Covid Antikierper Test kascht an de Labo´en 25€, an et wier vläit och net schlecht fir d´Santé mol ze wëssen op déi néideg Zuel vun Antikierper mam gespritzenen Impstoff gebild si ginn?

Am anere Fall missten déi Leit déi net genuch Antikierper gebild hunn net vläit nogeimpft ginn?

Ass et der Regierung net wichteg ze wëssen op hier "Vaccin´en" och de gewënschten Erfolleg brengen? Mär schwätzen hei ëmmerhin em extremst vulnerabel Leit.

Merci.

MbG

Comments

Wou fennt een déi QP dann?

Merci.

---

Gudde Mëtten,

Et handelt sech net ëm eng QP mee ëmt een Gesetzestext deen an der Chamber gestëmmt gouf.

Hei kënnt der den Detail vum Gesetzestext noliesen:

https://chd.lu/wps/portal/public/Accueil/TravailALaChambre/Recherche/RoleDesAffaires?action=doDocpaDetails&id=7757&backto=p0/IZ7_KHCC1240N8KQ10AN3G1BK33084=CZ6_D2DVRI420G7Q402JEJ7USN3847=M/#Z7_KHCC1240N8KQ10AN3G1BK33084

Answer 1

Gudde Mëtteg Här Thomas,

Wéi Dir richteg soot, wär et wichteg ze wëssen, wéi d'Impfstoffer wierken, an dofir missten och Persounen, déi schonns geimpft goufen, un den tests sérologiques kënnen deelhuelen. 

Tatsächlech ass et esou, dass de Projet fir déi 3. Phase vum Large Scale Testing d'läscht Woch vun der Chamber ugeholl ginn ass, a virgesäit, och Persounen, déi scho geimpft goufen, op Antikierper ze testen.

An dëser Presentatioun fannt Dir Informatiounen iwwert déi 3. Phas:

https://sante.public.lu/fr/actualites/2021/03/conference-presse-11-03-2021/Bilan-et-perspectives-Large-scale-tesing.pdf 

De Sujet vun den tests sérologiques gëtt op der Säit 9 ugeschwat.

Mat frëndleche Gréiss,