Gudde Moien,
Dir hudd ganz Recht domat, dass et am Fleege- a Sozialsecteur nach Ongerechtegkeete gëtt. Mir Piraten hunn dofir och scho Froen zum CCT SAS gestallt. Hei fannt dir z. B. eng Fro zu den Auxilaire de vie wou et och em Ongläichheete geet: https://piraten.lu/en/fro-lu-auxiliaire-de-vie/
Zousätzlech hu mir eis a Bréiwer un d'ALIPS an d'ALIP och kloer fir eng gläich Bezuelung vun den Infirmi·èren, déi ee BTS an ee Bachelor hunn ausgeschwat. Beim BTS spécialisé misst d'Bezuelung d'selwecht sinn, wéi fir den neie Master, dee geschaf gëtt. An dëse Bréiwer, déi mir Iech gär per Email kënnen zoukomme loossen, wann Dir dat wënscht, schwätze mir eis ganz kloer fir eng Revalorisatioun um akademeschen a finanzielle Plang aus.
Dodernieft gi mir ze bedenken, dass den CCT SAS vun der COPAS, der Fédération des Acteurs du Secteur Social au Luxembourg, dem Daachverband vun de Lëtzebuerger Jugendstrukturen an dem OGBL an LCGB ënnerschriwwe ginn ass. Mir Piraten ënnerstëtzen esou Kollektivverträg, well se besser Aarbechtskonditiounen an och gläich Konditioune fir vill Salariéë schafen. Natierlech ginn et awer Ënnerscheeder tëscht de Verträg. Eenzeg beim Staat gëtt all Positioun landeswäit selwecht bezuelt.
Mir si mat Iech d'Accord, dass dës Beruffer erëm musse méi attraktiv gemaach ginn. Wéi dir richteg sot, brauche mir Infirmi·èren an Educat·ricen. Dofir setze mir eis wéi gesot, fir eng Revalorisatioun um akademeschen a finanziellen Niveau an.
Wa soss nach Froe sinn, sti mir ëmmer zur Verfüügung.
Mat frëndleche Gréiss,